Wezareta Berevanîyê ya Îsraîlê îro Yekşemê got ku ew ê rê bidin karkerên Durzî yên Sûrî ku bikevin Girên Colanê yên dagirkirî.
Di daxuyaniya wezaretê de ji bo dayîna destûran Demek nehatiye diyarkirin.
Li Girên Colanê 24,000 Durzî dijîn, pêkhateyeke ereb e ku li Îsraîl, Lubnan, Urdun û Sûriyayê jî dijîn.
Îsraîl di şerê sala 1967an de piraniya deşta stratejîk ji Sûriyê girt û di sala 1981ê de ew bi xwe ve girêda.
Amerîka wê wek xaka Îsraîlê dihesibîne, lê piraniya welatan wê wekî dagirkirî binav dikin.
Gelek Durziyên Sûrî dilsozê serokê rûxiyayî Beşar el-Esed bûn, û hejmareke mezin ji malbatan xizmên wan li Girên Colanê dijîn.
Hikûmeta Îsraîlî got ku serkirdayetiya nû ya Sûriyê metirsîye li ser Îsraîlê û soz da ku alîkariya parastina kêmneteweyên li Sûriyê bike, di nav de Durzî.
Jêder: Reuters